छत्रपती संभाजीनगर
Trending

वाळूज पेट्रोलिंग पोलिसाच्या गाडीला इनोव्हाची धडक ! एमआयडीसी वाळूजचे दोन पोलिस जखमी !!

वाळूज, दि. १२ – डायल 112 मोटार सायकलवर गस्तीवर असलेल्या पोलिसांना इनोव्हाने धडक दिल्याने एमआयडीसी वाळूजचे दोन पोलिस जखमी झाले. ही घटना पोलीस स्टेशन एमआयडीसी समोर वळण घेत असताना घडली. पोशि वैभव मच्छिंद्र गायकवाड व पोअं. जी. एस. जोशी अशी जखमींची नावे आहेत.

याप्रकरणी कार क्र. MH 02-CR- 6712 चा चालक संजय आनंदा साबळे (वय-57 वर्षे, रा. माता सदन, भैयाची चाळ, शिवटेकडी, जोगेश्वरी, मुंबई) याच्यावर एमआयडीसी वाळूज पोलिस ठाण्यात गुन्हा दाखल करण्यात आला आहे.

पोशि वैभव मच्छिंद्र गायकवाड (वय-34 वर्षे, पोस्टे MIDC वाळूज, औरंगाबाद शहर) यांनी दिलेली माहिती अशी की, दिनांक 11/12/2022 रोजी 21.00 वा. ते दिनांक 12/12/2022 रोजी 09.00 वाजेपर्यंत डायल 112 मोटार सायकलवर (MH20- FW 1815) त्यांची व सोबत पोअं. जी. एस. जोशी ड्यूटीवर होते.

रात्रभर पोलिस स्टेशन हद्दीत पेट्रोलींग करून सकाळी 09.00 वाजेच्या सुमारास प्रताप चौकाकडून पोलिस स्टेशनला येत असताना, पोलीस स्टेशन एमआयडीसी समोर वळण घेत असताना इन्व्होवा कार (MH 02-CR- 6712) या कारच्या चालकाने पोशि वैभव मच्छिंद्र गायकवाड यांच्या मोटारसायकलला जोराची धडक दिली.

या धडकेने पोशि वैभव मच्छिंद्र गायकवाड व सोबत असलेले अंमलदार जोशी रोडवर खाली कोसळले. जखमी होऊन पोशि वैभव मच्छिंद्र गायकवाड यांच्या डाव्या पायाच्या पोटरीला खरचटले. डाव्या गुडघ्याला मुक्का मार लागला. अंमलदार जोशी यांच्या डाव्या गुडघ्याला खरचटले.

याप्रकरणी पोशि वैभव मच्छिंद्र गायकवाड यांनी दिलेल्या तक्रारीवरून कार क्र. MH 02-CR- 6712 चा चालक संजय आनंदा साबळे (वय-57 वर्षे, रा. माता सदन, भैयाची चाळ, शिवटेकडी, जोगेश्वरी, मुंबई) याच्यावर एमआयडीसी वाळूज पोलिस ठाण्यात गुन्हा दाखल करण्यात आला आहे. पुढील तपास पोलिस करत आहेत.

Related Articles

Back to top button
error: Content is protected !!