डॉ.बाबासाहेब आंबेडकर मराठवाडा विद्यापीठ: व्यवस्थापन परिषदेच्या ८ जागांसाठी निवडणूक जाहीर !
अधिसभेच्या बैठकीत १३ मार्च रोजी मतदान २५ मार्चपर्यंत अर्ज दाखल करण्याची मुदत
संभाजीनगर लाईव्ह, दि.२० : डॉ.बाबासाहेब आंबेडकर मराठवाडा विद्यापीठातील व्यवस्थापन परिषदेच्या आठ जागांसाठी निवडणूक कार्यक्रम घोषित झाला आहे. अधिसभेतून व्यवस्थापन परिषदेवर निवडूण येणा-या या जागांसाठी येत्या १३ मार्च रोजी होणा-या बैठकीत मतदान होईल, अशी माहिती निवडणूक निर्णय अधिकारी तथा कुलसचिव डॉ.भगवान साखळे यांनी दिली.
अधिसभा, विद्या परिषद व अभ्यास मंडळाच्या निवडणुका नोव्हेंबर व डिसेंबर महिन्यात कुलगुरु डॉ.प्रमोद येवले यांच्या मार्गदर्शनाखाली यशस्वीपणे पार पाडल्या. आता दुस-या टप्प्यात व्यवस्थापन परिषदेच्या ८ जागांसाठी निवडणूक होत आहे. यामध्ये चार जागा खुल्या तर चार राखीव असणार आहेत.
प्राचार्य, प्राध्यापक, संस्थाचालक व पदवीधर गटातून प्रत्येकी एक जागा खुल्या गटातील असून अनुक्रमे अनुसूचित जाती (एस.सी), इतर मागास वर्ग (ओबीसी), अनुसूचित जमाती (एस.टी), भटके विमुक्त जाती-जमाती (व्ही.जे.एन.टी) या प्रमाणे सदस्य निवडूण येणार आहेत. या निवडणुकीसाठी २० ते २५ फेब्रुवारी दरम्यान कार्यालयीन वेळीत अर्ज दाखल करता येतील.
२६ रोजी छाननी तर ६ मार्च रोजी उमेदवारांची अंतिम यादी घोषित होणार आहे. अधिसभेची बैठक १३ मार्च रोजी सकाळी ११ वाजता होणार असून या निवडणुकीत मतदान होईल. निवडणूक विभागाचे उपकुलसचिव डॉ.विष्णु क-हाळे, कक्षाधिकारी अर्जुन खांड्रे, सहायक संजय लांब निवडणुकीसाठी प्रयत्नशील आहेत. दरत्यान, या निवडणुकीसाठी एकुण ७६ मतदार असून यातील ६ जागा रिक्त आहेत.
- गुगल अ‍ॅप इंन्स्टॉल करा अन् राहा अपडेट👇
https://play.google.com/store/apps/details?id=com.sambhajinagarlive.news - WhatsApp ग्रुप 👇
https://chat.whatsapp.com/D1vs2HoW4eqFRkoSoO98Om - फेसबुक पेज👇
https://www.facebook.com/profile.php?id=100063797745685&mibextid=ZbWKwL - Telegram channel 👇
https://t.me/+YKOHk5GZrKVW8VPP - Follow the छत्रपती संभाजीनगर Live channel on WhatsApp:👇
https://whatsapp.com/channel/0029Va9cQwH1HspwZDjxdY29 - पुढील मोबाईल नंबर आपल्या WhatsApp ग्रुपमध्ये अॅड करा अन् मिळवा अपडेट
9923355999
