आम्ही काय गोट्या खेळतो का ? कॅन्टीनमधील आचाऱ्यास काटा चमच्याने मारहाण ! दुसऱ्याची प्रशंसा सहन न झाल्याने घाटी हॉस्टेलच्या कॅन्टीनमध्ये राडा !!
छत्रपती संभाजीनगर लाईव्ह, दि. ३० – दुसऱ्या अन्य मुलाची केलेली प्रशंसा सहन न झाल्याने आम्ही काय गोट्या खेळतो का ? असे म्हणून कॅन्टीनमधील काटा चमच्याने मारहाण केली. ही घटना दि. २८ मे रोजी रात्री ९.३० वाजेच्या सुमारास घाटी दवाखाना मधील NRH हॉस्टेल मधील कॅन्टीनमध्ये घडली.
सुमित साबळे (रा. टाउनहॉल, जयभीमनगर, छत्रपती संभाजीनगर) असे आरोपीचे नाव आहे. यासंदर्भात अतुल विरेंद्र अग्रवाल (आचारी, रा. गोलछा हाऊस, सिटी हाईट आपारमेंट, खडकेश्वर मंदीराजवळ, छत्रपती संभाजीनगर) यांनी दिलेल्या फिर्यादीत नमूद केले आहे की, यातील फिर्यादी व आरोपी हे एकाच ठिकाणी काम करणारे आहे.
यातील फिर्यादी हे त्यांच्या सोबत कामाला असणारे रामदास महाराज यांच्या सोबत बोलत होते की, आकाश नावाचा मुलगा ऑनलाईन ऑडरचे चांगले काम करतो असे फिर्यादी हे रामदास महाराज यांना सांगत असताना यातील आरोपी हा फिर्यादीस म्हणाला की, आम्ही काय गोट्या खेळतो का असे म्हणून यातील आरोपीने फिर्यादीस शिवीगाळ करून कॅन्टीन मधील काटा चमच्याने फिर्यादीच्या डाव्या कानाजवळ मारून दुखापत केली. फिर्यादीला चार टाके पडलेले आहे. तू जर माझ्या विरोधात तक्रार दिली तर तुला पाहून घेईल अशी धमकीही दिल्याचे फिर्यादीने पोलिसांत दिलेल्या तक्रारीत नमूद करण्यात आले आहे.
याप्रकरणी तुल विरेंद्र अग्रवाल (आचारी, रा. गोलछा हाऊस, सिटी हाईट आपारमेंट, खडकेश्वर मंदीराजवळ, छत्रपती संभाजीनगर) यांनी दिलेल्या फिर्यादीवरून सुमित साबळे (रा. टाउनहॉल, जयभीमनगर, छत्रपती संभाजीनगर) याच्यावर बेगमपुरा पोलिस स्टेशनमध्ये गुन्हा दाखल करण्यात आला असून पुढील तपास सोनवणे करीत आहे.
- गुगल ॲप
https://bit.ly/3RaPEOb - व्हॉट्सॲप ग्रुप
https://bit.ly/4dUMnMR - व्हॉट्सॲप चॅनेल
https://bit.ly/3V1gLwq - फेसबुक पेज
https://bit.ly/451xGU8 - टेलिग्राम
https://bit.ly/3wVCVbe
