चौथ्या मजल्यावरील रुम पडून शेजाऱ्याच्या घरावर पडली ! छत्रपती संभाजीनगरातील १५ वर्षाचा मुलगा जखमी !!
![](https://sambhajinagarlive.com/wp-content/uploads/2024/06/police-233.jpg)
छत्रपती संभाजीनगर, दि. ८- चौथ्या मजल्यावरील रुम पडून शेजाऱ्याच्या घरावर पडली. यात १५ वर्षाचा मुलगा जखमी झाला. ही घटना छत्रपती संभाजीनगरमधील शंभुनगर परिसरातील रॉयल किराणा दुकानासमोर घडली.
शेख मेहताब शेख मासुम (रा- रॉयल किराणा दुकानासमोर शंभुनगर, छत्रपती संभाजीनगर) असे आरोपीचे नाव आहे. यासंदर्भात जफर खान फजरु रहेमान खान (वय 48, रा- रॉयल किराणा दुकानासमोर शंभुनगर, छत्रपती संभाजीनगर) यांनी पोलिसांत दिलेल्या तक्रारीत नमूद केले आहे की, यातील फिर्यादी व आरोपी हे शेजारी राहतात. आरोपी यांचे घराचे अचानक हवा व पाऊस आल्याने चौथ्या मजल्यावर बेकायदेशीर व निष्काळजीपणाने बांधलेली रुम पडली.
विटा, दगड, रेती फिर्यादिच्या घरावर पडल्याने मुलगा अबुझर जफर खान (वय 15 वर्षे) यास डोक्याच्या वर व पाठीमागून मार लागला. यात रक्तस्त्राव झाला व फिर्यादीचे घरीतील पलंग, फरशी व घरगुती सामानाचे नुकसान झाले. यातील आरोपी शेख मेहताब शेख मासुम हा फिर्यादिच्या मुलाला मार लागण्यास व सामानाचे नुकसान करण्यास कारणीभूत असल्याचे फिर्यादीत नमूद करण्यात आले आहे.
याप्रकरणी जफर खान फजरु रहेमान खान (वय 48, रा- रॉयल किराणा दुकानासमोर शंभुनगर, छत्रपती संभाजीनगर) यांनी दिलेल्या फिर्यादीवरून शेख मेहताब शेख मासुम (रा- रॉयल किराणा दुकानासमोर शंभुनगर, छत्रपती संभाजीनगर) यांच्यावर जवाहर नगर पोलिस स्टेशनमध्ये गुरनं- 155/2024 कलम 338,427 नुसार गुन्हा दाखल झाला असून पुढील तपास पोह वाघमारे करीत आहे.
- गुगल ॲप
https://bit.ly/3RaPEOb - व्हॉट्सॲप ग्रुप
https://bit.ly/4dUMnMR - व्हॉट्सॲप चॅनेल
https://bit.ly/3V1gLwq - फेसबुक पेज
https://bit.ly/451xGU8 - टेलिग्राम
https://bit.ly/3wVCVbe