शिर्डी लोकसभा मतदारसंघासह नाशिक व मराठवाड्याला घाटमाथ्याचे पाणी उपलब्ध करून द्या ! सह्याद्री पर्वतरांगातून समुद्राकडे वाहून जाणारे घाटमाथ्यातील पाणी अडवल्यास 115 टीएमसी पाणी उपलब्ध होऊ शकते !!
- खासदार सदाशिवराव लोखंडे यांची मागणी
- 15 टीएमसी पाणी मुळा, गोदावरी व प्रवरा नद्यांवर कोल्हापुरी पद्धतीचे बंधारे बांधून या पाण्याचा उपयोग शेतकऱ्यांसाठी कायमस्वरूपी केला जाऊ शकतो
नवी दिल्ली, दि. 8 : शिर्डी लोकसभा मतदारसंघातील पाणीटंचाई कायमस्वरूपी दूर करण्यासाठी घाटमाथ्याचे पाणी शेतक-यांना उपलब्ध व्हावे, तसेच अहमदनगर (शिर्डी), नाशिक व मराठवाड्यातील पाच जिल्ह्यांना 115 टीएमसी पाणी उपलब्ध होण्याची मागणी शिर्डी लोकसभा मतदारसंघाचे खासदार सदाशिवराव लोखंडे यांनी लोकसभेच्या शीतकालीन सत्राच्या शून्यप्रहरात प्रधानमंत्री नरेंद्र मोदी यांच्याकडे केली.
सह्याद्री पर्वतरांगातून समुद्राकडे वाहून जाणारे घाटमाथ्यातील पाणी अडवल्यास 115 टीएमसी पाणी उपलब्ध होऊ शकते. यापैकी 15 टीएमसी पाणी मुळा, गोदावरी व प्रवरा नद्यांवर कोल्हापुरी पद्धतीचे बंधारे बांधून या पाण्याचा उपयोग शेतकऱ्यांसाठी कायमस्वरूपी केला जाऊ शकतो. तसेच उर्वरित 5 टीएमसी पाणी अकोले, संगमनेर, कोपरगाव व श्रीरामपूर या चार तालुक्यातील वंचित शेतकऱ्यांना उपलब्ध होईल.
असे एकूण 20 टीएमसी पाणी शिर्डी मतदारसंघात उपलब्ध होऊ शकेल व पाण्याची समस्या सुटण्यास मदत होईल. यासोबतच नाशिकसाठी 10 टीएमसी व उर्वरित 85 टीएमसी पाणीसाठा मराठवाड्यातील पाच जिल्ह्यांसाठी उपलब्ध होण्याबाबतची मागणी लोखंडे यांनी लोकसभा अध्यक्षांमार्फत प्रधानमंत्री नरेंद्र मोदी यांच्याकडे केली. तसेच यासाठी राज्य शासनाकडून याबाबत सविस्तर प्रस्ताव मागवून व त्यास केंद्रसरकारने मंजूरी देण्याबाबतची विनंतीही केली.
- गुगल ॲप
https://bit.ly/3RaPEOb - व्हॉट्सॲप ग्रुप
https://bit.ly/4dUMnMR - व्हॉट्सॲप चॅनेल
https://bit.ly/3V1gLwq - फेसबुक पेज
https://bit.ly/451xGU8 - टेलिग्राम
https://bit.ly/3wVCVbe
